26-10-2012

 

حبيت احط لكم يومي الاول في العيـد بـ الصور  ..

ندخل ع طول لاني مستعيل وبظهر ^^ ..

طبعا ليلة العيـد ما كنت راقد لين الساعه تقريبا 3 الفيـر ..

ورقدت ونشيت ع الساعه 5 وربع قبل الاقامة في صلاة الفيـر بـ ربع ساعه ..

صليـت وقلت ما فيني ارقد لاني اذا رقدت بتروح علي صلاة العيـد واصلن ما باقي للصلاة غير 45 دقيقة ر= ..

صلـيت العيـد في الفريج <= اوني عاد الفريج  ..

ورجعت اتريق ف البيت ما صورت لكم الريووق  ..

وعقب وصل اخوي وعياله وخذيت لهم كم صورة [ بليـز ما شاء الله ] ^^ ..

وعقب دقيت الموتر سلف وروحت صوب بيت واحد من الشباب دائما كل عيـد نتجمع هناك ر= ..

بس ربيعنا كان راقد ولكن اخوه استقبلنا  ..

وهذا ولده زعلان وانا اصوره هههه ..

وزاد عدد الحضـور في الميلس  وقلت اخذ اكشـن من بعيـد 

وعقب تقهوينا ^^ ..

وهني انا شوفوني اكل حلاوى 

وعقب الربع ما يصدقون من يشوفون كيمرا .. صورني بدون ما ادري  ..

وبعد الاكشنات .. كل واحد دق موتره سلف لـ صلاة الجمعـة ر= ..

صليـت في هذا المسـيد وبصراحه اليوم العدد بسيط في الصلاة !! ما اعرف ليش ..

وعقب روحت بيت اخوي [ السالفه فيها تنـور  ] ..

وما شاء الله نص الربع موجودين ف البيت 

وهني الكل يشتغل عسب ياكل تنـور <= 

[ افتح ياسمسم ] 

[ يمي يمي ] 

ووهني انا اصور واشم الريحه 

[ وهني كل واحد بس يشوف محد يقول لي طرش لنا طشونة ] 

[ اضرب بـ الخمسه ]

وعقب رجعت البيت ع العصـر وقلت برقد بس ما قدرت هههه حاولت بس شكلي رقدت ثواني وقمت ..

والحين اكتب لكم وشكلي بظهر لاني ملان ما اعرف وين اضرب بـ راسي 

وشكرا مقدما ع المتابعه ..