يوميات قديمة 2010 – 2011 – 4

مخيمات الصحراء [ الجمعة 24 / 12 / 2010 ] للذكرى فقط ..

طبعا من فترة الدكتوره عندنا في الجامعة تريد تروح البر [ سفاري ]  ..

وتذكر واحد من الربع عنده مخيم وجي وشغل رسمي وحلو  ..

واتصلت لهم واتفققنا ع السعر والمكان وكل شي وخبرني الجدول ,,الخ ..

وتجمعنا [ قروبنا ] الدكتوره وعائلتها + انا ومحمد البلوشي  ..

وصل خالد [ المسؤول عن السفاري ] وتحركنا ع الساعه 3 وربع تقريبا ووصلنا

الختــم [ هناك المخييم والسفاري ]  .. 

اول ما وصلنا [ محمد صديقي عنده كام وصور لي كم صورة عسب اعرضها لكم ف المدونة ] 

الاجواء جميلة .. 

اول ما توصل الرملة لازم الواحد يسوي جي 

وهني واحد من الشباب ما اعرفه <====  يشبه مدير سمانا 

وتمينا نتريا القروبات لانه هم يظهرون مره وحده  وجان يوصلون 

معظمهم اجااانب 

وهذا الياباني الصغير شكله ما مصدق انه هذا رمل 

وبعد التجمع ، تحركنا ع العراقيب 

اترككم مع بعض الصور 

بعد التقطيع [ نوقف صوب العزبة ] عسب الاجانب يصورون وجي 

هذا خالد المسؤول عن المخيم والسفاري وهو يشرح لـ الناس 

وعقب العزبة مره ثانية ع الرمله  

الاجانب يستانسون ع هذي الاشكال 

وعقب ع الغروب نوقف مكان ف التل لـ التصوير  ..

وهني راعي الاسيشن مطر .. فصخ عنده التااير خخخخخخخ 

وهني الشباب اصحاب السفاري .. احلى ما فيهم انهم عيال البلاد
هب هندي يسوق في الرمله وهو ما يخصه في الدنيا خخخخخ 
غير الواحد يوم يركب عند واحد حياته كلها في الرمله وجي 

واحد من الشباب 

وبعض الاكشنات من صديقي محمد 

وهذيله ع قولت خالد ما يخصهم ف الرمله بس يخربون ع الناس الطريييج 

وعقب الرمله وصلنا لـ المخيييييم 

هني المخيييم هذا يشل 300 شخص اما الا وره 3000 وايد كبير وغاوي 

وهني واحد من الشباب يتقهووه 

القهوه والباااارد كل شي فرري 

وهني مكان لـ تغيير [ الملابس البدوية ] لـ الاجانب 

صور للمخييم من داخل 

هني البوووفيه 

بعد البوفييه يالسه وسوالف ورقص 
بس ما عليكم انا ومحمد روحنا ندق سوالف بعيد عن الرقص 

وهذا اليااهل حفله  اونه يرقص وحركات يسوي بعد 

واخر شي اليولة 

وعقب خلاص العودة لـ دار الزين 

وانتهت الرحلة وان شاء الله بتكون لنا رحلات ثانية مع هذي الشركـة المميزة  ..

مكتب الشركـة في نادي العين للهواة الا صوب مصنع العين للمياة ..

وعندهم اليوم ولين تاريخ 29 عروض حلوه يبالكم تاخذون لفه عليهم  ..

والا يبغي رقمهم بتواصل وياي  ..

التحرك كان ع الساعه : 9 ونص تقريبا .. 

وقفنا صوب الفوعه [ الشيشه ] وطلبنا لنا بيض وجبن + جاي 

وعقب تحركنا لـ راك [ طريق دبي – العين ]

ونحن في الطريج العين الا يبغي يعرف توقعات الجو في راس الخيمـة ..
ويالس ادخل المواقع الخاصة بـ اخبار الطقس واشوف شو اخر التوقعات ..
وقلت لـ دولار انه الاجواء ف راك غير .. امطار وجي ر= ..
قال لي بنشوف انزين 

وفي نص الطريييج يتنا رشه خفيفه 

وصلنا راس الخيمـة والاجواء جميلة جدا 

وعقب روحنا نشوف صالة الافراح لانه عرس دولار قريب
ع اول الشهر وحبينا نشوف شو اخر التطورات ف الصالة وجي 
طبعا الكل معزوم العرس تاريخ .. الا يبغي يعرف التاريخ يتواصل وياي وفاله طيب 

دخلنا نصور [ قاعة الحريـم ] 

[ هني الممرر الا بتمر فيه العروس والمعرس ] عجييب اول مره ادخل قاعة حريم 

وهني بينزل المعرس والعروس من فوق [ حركات بعد ]  

وهذا الهندي حشرني اونه ممنوع التصوير وبالموت صورنا 
بعد ما اتصلنا لـ صاحب القاعه وقلت له انه نحن من العين ونريد انصور
عسب نعرضها لـ اهل المعرس وجي  

وهني قاعة الرجاال 

وهني الميلس 

وعقب ظهرنا من القاعه وقلنا بناخذ لفه ع راك .. 

امممم واكيد الجوع ماثر علينا كـ العادة وبخاصة وقت الشتاء 
كل دقيقتين تحس بـ جووع فضييع  وقلت لـ دولار
هاه وين بتغدينا قال علي المكان وعقب احكم ع الاكل قلت له تم .. 

وصلنا مطعم قيصـر معروف ف راس الخيمـة [ ولا شو رايكم اهل راك ] 

المكان جميل بصراحه من دخل المهم يالس اشوف شو اكل امممم  

انا طلبت برياني لحم .. ودولار برياني ربياان 

وهني نتريا الاكل بـ فارغ الصبر 

مقبلات هندية قبل الاكل ع قولت دولار لـ فتح الشهية 

والحين ما فيه صبر كل دقيقتين يشوف الساعه 

اول طلبيه وصلت لنا هي [ السلطة اليونانية ] روعه بصراحه
جبن ع خضروات وجي حلو بصراحه 

زووم اكثر يمكن حد من العضوات يتعلم ويسوي لنا شراتها
عسب كل يومين انا ف بيتهم 

وصلت الطبية [ ربياان ] 

حركات بعد الهندي ف الضياافه 

وهذا هو مالي [ برياني لحم ] 

حار من الخاطر بصراحه [ دخاخين ] 

امممم ما قدرنا ناكل لين ما يبرد شوي بس نشوف 

زووم [ اي واحد يوعان الحين مشكلة ] 

والحمد الله خلصنا وبعدين لازم عصاير وحركات 

وعقب ما ظهرنا من المطعم قلنا بنروح نصلي [ نجمع الظهر والعصر ] 
شفنا مسيد كبير [ مسيد الشيخ زايد ] قلت فرصة بنصور وبنصلي نفس الوقت .. 
اكشنات وانا مستانس اني بصلي ف هذا المسيد الغاوي .. 

جامع الشيخ زايد بن سطان ^^ ..

طريق الحمامات الله يعزكم 

هني دولار وانا كله اكشنات لوول 

واخر شي ندور باب واحد مفتوح عسب ندخل نصلي ؟؟
ولا ببااب ! عيل ليش فاتحين لنا الحمامات الله يعزكم
وباب المسيد كله مسكر  حرام كان خاطري اصوره من داخل
ونصلي بعد  يا الله فرصة ثانية ..

المهم تحركنا ندور ع مسيد ف الطرريج .. 
والساعه كانت : 2 و 20 دقيقة ..

وجان نشوف مسيد [ مسيد الشيخ صقر ] ع ما اظن .. 

وع طول دخلنا والعين كله اكشنات 

الحمد الله صلينا العصر والظهر .. 
المسيد من داخل .. 

وهني نحن ظاهرين من المسيد .. 

وظهرنا من راك ع الساعه 2 و 36 دقيقة ^^ .. 
يعني بعد الصلاة ع طوول 

وهني ونحن ظاهرين ف الطرريج 

[ طريق العابر ] احلى طرريج بصراحه 

الاجواء جميلة في الطرريج .. 
من ظهرنا من راك ظهرت الشمس 
يعني فهمو السالفه 

والعين من الملل ف الطريج اوني اصور اي شي نسوي تسست ع الكام
القديمة للاسف وداي احط لكم صور كبيرة ولكن الكام او ف الصور تظهر 
نقاط سوود ولازم ننظف السنسر للكام وهب متفيج بما اني قريب بناخذ 
كام نيـوو [ ان شاء الله ] 

[ دعاية ساعه ] شوفوني البس ماركـة 

لازم هذي الصور ف كل مكان  

دررب العين 

وصلنا العين بالسلامه 

وصلنا بـ الضبط 4 وربع 

ونقطة انتهى ..

والسموحه منكم ..
بس حبيت اعرض لكم الصور والاحداث الا صارت ويانا ف راس الخيمـة ..
هيه صح ع فكرة راس الخيمـة كلها صالونات حريـم  فوق 500 الف صالون 
اهل راك لا تزعلون   ..

عودة للتدوين  ..

من فترة وانا اقول حق ربيعي ابغي اروح وياكم البدعه ( صيد بالصقور ) 

<= تره اخوكم ما يخصه ف الطيور ولا شي بس احب اروح اصور وجي  ..

اليوم متصل فيني وقال لي تقررب صوب جسر اليحر وروحت هناك ووقفت موتري ..

وركبت ويااه وتحركنا صوب رملة سويحان ما اعرف وين بـ الضبط المهم بنخليكم تعيشون الجو ويانا ..

بـ الصور لاني احب تكون المدونات بـ الصور  ..

تاريخ 14-1-2012 .
العين .

هني انا واقف اتريا ربيعي يوصل وقلت اصور لكم الوقت  ..

وعقب شوي وصل ربيعي وركبت ويااه  ..

تحركنا ع طريج سويحان ..

ولفينا صوب المحمية الشيخ خليفة بن زايد .

وهني في الطريييج

وانا اي شي اشوفه جدامي اصوره 

وقفنا صوب العزبة عسب نشتري حمام للطير 

الحمامة الوحدة بـ 10 

وصلنا قبل الشباب قال لي الشامسي خذ لك كم صورة وانا ع طول اكشن 

وهذا موتر الشامسي الا كنت فيه 

وعقب اكشنات 

وصلو الشباب وكل واحد ينزل طيره 

بوعلي دائما موجود في هذي المحافل 

وهني العامري يطير الحمامه

احلى شي يوم الحمامه تطير والطيير وره  <== ما يخصه تره في شي 

بعض صور الطيـور

وهذي بعض الصور من الرحلة : الصور بروحها تتحدث عن نفسها 

ويسلم عليكم العامري هني 

وفي البقعة الا نحن فيها ما شاء الله ع يمينك شباب ويسارك شباب وكل واحد يطيير ولكن بـ الدور 

اكشن لـ عشاق النياسين 

وعقب طريق العودة  ..

ما فيني اكتب لاني مستعيل بروح صوب اخوي في المستشفى قلت بنزل ع الطاير الصور لاني عقب اعرف عمري ما بتفيج  ..

والسموحه ع القصور والتنقيع ف الكتابة لانه شغل سرعه سرعه  ..