[ 1 / 2 / 2010 ]

كنت ابغي انزل لكم امس ولكن كنت شوي مرتبش [  ] ..

المهم امس روحت القرية التراثيـة [ مهرجان ربيع العين 2010 ] ..

عاد هذي المره قلت بـ شل وياي الكيمرا عسب نصور كم صورة ر= ..

ونستغل الفرصة بما اني احب التصوير التراثــي في الفترة الاخيرة [  ] ..

وقلت بعد بـ المره بحط الصور ف المدونـة نعيشكم الاحداث اول بـ اول [ :yaw: ] ..

صليت العصر ف المسيد عندنا وعقب تحركت لـ القرية :

وهني انا ف الطرريج :

اول ما وصلت شفت اليهاال يرقصون [  ] ..

وعلى طوول اكشنااات [  ] 

( عقب بحط لكم الصور بـ حجم مناسب ف الالبوم ) [  ]

وعقب شفت المسؤول المصري ولازم اول شي [ مبروك ع البطولة ] [  ] ..

وقلت له ياخي ابغي اعرض صوري ف المهرجان وقال لي فالك طيب [  ] ..

وجان استانس اليوم بشل وياي الصور وبحطها ف المهرجان [ يمكن 13 صورة ] ..

وهي صور تراثيـة + طيـوور [  ] ..

عقب بخبركم وين بحطها بـ الضبط عسب الا يبغي يروح القرية لازم ياخذ لفه ع صوري [  ] ..

خخخخخ [  ] 

ومع السوالف والحش قلت بدخل صوب معرض السيارات الكلاسك [  ]

بعض السيارات :

اهداء حق العضو [ كلاسك مود ] [  ] 

وعقب روحت صوب العياايز وهني بحط الصور لي بتكون من تصويري خلفهن لانه المكان فاضي ومناسب بنفس الوقت ..

يعني اول ما تحدر من بوابة vip ع يسارك بتشوف العياايز وخلفهن بـ الضبط صور من تصويري [  ] ..

اكشنات : 

وهني قلعة زايد الاسطورة وفيها صور للشيخ زايد رحمه الله واشياء جميلة جدا [  ]

وانا يالس اصور وجان اشوف جدامي برج خليـفة ولكن انسان [  ] ..

ما شاء الله عليه الهندي طويل من الخاطر ولكن يحليله كسر خاطري شكله متعور او مصااب شي جي ..

ريله اليمين فيها شي ووايد كبيرة .. ربي يشفيه ان شاء الله ويعطيه الصحة والعافية [  ] ..

<= عاد انا صورته بدون ما يعرف عسب ما يقول لي عطني 10 الحين صارت الموضه اذا تريد تصور حد ..

مثل هذيله لازم تدفع لهم ههههه [  ] 

المهم عقب روحت اتقهوه [ اوني منظم واحوط واصور ] خخخخ ..

محد يبغي صح [ :yaw: ] 

طريقة الطبخ كـ التالي :

<= حد فهم شي [  ] 

المهم قلت استغل الفرصة واصور المحمية الموجودة ف القرية :

بعض الحيوانات ف المحمية وكلهن للبيع [  ]

هني الفوكس ع الشبك بـ العمد [  ] 

شي وايد حيونات ولكن ما تفييجت اصورهن لاني ابغي اصور اشياء معينه [  ]

المهم وانا اتمشى شفت الشاحوووف [  ] لعبتها من يومين الله يسامح المصري المسؤول عن الالعاب ..

انه جرب ما بتخووف يوم ركبت ويااه [ طبعا ببلاش لانه نحن مشرفين ] [  ] ..

قال لـ المصري الا يشغل اللعبة خلها اقوى شي [  ] ..

قلت له اذكر الله ياخي اول مره العبها ، اونه ما تخووف ولكن انصدمت يوم كنت فووق ..

والحمد الله لعبتها ع العصر يعني محد كان موجود [  ]

وعيبني شي وقلت خلنا نخترع شوي ف التصوير [ رفرف يـ علم بلادي ]

وعقب بده العياله ..

وجان اشوف المسؤول عن الاغاني ف المسرح طبعا مصري [  ] ..

والريال مستانس من الخاطر بـ مناسبة فوز مصر بـ بطولة الامم [  ] ..

وصورت الفالينه [ :yaw: ] بس ناقصه الحين نجمة 

شو بعد هيه اول ما تدخلون من البوابة الرئيسية بتشوفون هذا ف ويهكم :

اونه ما يتحرك الا يوم تعطيه بيزات بيتحرك عجيب وكان اكشخه بـ كم صورة [  ] 

عقب قلت بصور اليهاال وشفت وحده يالسه بروحها وقلت لها صورج وجان تستانس [  ]

وشوي قلت لي لحظـة بيييب لك القرووب [ :yaw: ] 

اكشنات [  ] 

وشوي جان ياذن المغرب وصليت ف المسيد لي ف القرية ..

المسيد عليه علامة استفهام ماشي اي اهتمام لـ المسيد [  ] ..

ولكن وصلت النقطـة لـ المسؤولية بـ هذا الشان وان شاء الله المره اليايه يهتمون ف بيوت الله [  ] ..

بعد الصلاة كنت انتظر صديقي [ الحيري ] [  ] ..

وجان يصور واعطيه اكشنات ولكن مسكر ع ويهه وايد يستحي [ :yaw: ]

قلت له ما بحط الصورة ولكن عناده فيه حطيتها [  ] 

عقب روحت صوب السينما التراثيـة لاني المسؤول عنها لازم اشغل الفيديو ,,الخ ..

وانا يالس اعابل الفيديو الحبيب محمد يالس يصورني [  ]

وتمينا لين الساعة 10 وشوي وقلت برجع البيت عسب انزل لكم شي ف المدونـة وارقد ..

لاني تعباان من الخاطر ..

وهني نحن ظاهرين انا ومحمد صديقي [  ]

ربي يحفظهم [  ]

وانا ف الطريج قريب بوصل البيت جان يتصل لي محمد [  ] ..

اونه التاير عنده منطر بسبب مسمار [  ] ..

روحنا وشلينا التاير ورحنا ندور بنجرجي [  ] ..

ورقعنا التاير ونحن رادين خطفنا ع الهارديـز كنت بـ صور لكم الاكل ولكن ما كنت متفيج لاني يوعان من الخاطر [  ] ..

وعقب ركبنا التاير ورديت البيت وانتهى السالفه [  ] ..

همسه : اذا شي تنقيع طااف لاني اكتب بسرعه وما احب ارجع اقرا شو كتبت او ادقق [  ] 

وشكرا للجميع ع المتابعة والتقييم والمرور <– اقصد الزووار [ :yaw: ]

لي عودة بـ احداث جديدة باذن الله ..

13-2-2010

متردد احط الحين ولا عقب [  ] ..

لاني احس عمري تعبان [  ] ..

المهم العصر كنت انتظر الحيري يوصل ..

عسب نروح القرية وجان اتجهز [  ] ..

وصلنا القرية بدري هذي المره ، ولكن بعد ما صلينا ( العصر ) ف الشعبية ..

عاد قلنا بناخذ لفه ع [ الفرقة الحربية ] [  ] ..


الصورة من النت 

ونحن يالسين نشوف !

شفت قروب من البنات [ يمكن 4 ] كل وحده اصغر عن الثانية يمكن اكبر وحده 16 سنة .. وعندهم اختهم الكبيره اعتقد متزوجه لاني شفت عندها عيال وكم خدامه [  ] ..

ينتظرون حد !! وشوف يدخل البطل ! [  ] ..
واحد من شباب الميدان ! يويل من الميدان ! [  ] .
وهو كل يوم طايح ف القرية شوفوني [  ] 

من دخل جان يستانسون !! لا بعد يصفقون والكيمرا [  ] !! وابتسامات من كل صوب ! 
والباقي لا تعليق .. [  ] .. 

حسيت انه الميدان او اليوله شوفوني هب شرات قبل !! .. 

الله يرحم ايام قبل [ العيااله ] ..


الصورة من النت 

المهم عقب روحت صوب المزاد [ مزاد الحيوانات ] ..
طيـور وثعبان ,,الخ [  ] اسعار جميلة ..

وبعدين خطفت صوب الميدان عسب اشوفه ..
لانه اليوم بيكون شي شاره ع 10000 درهم ..
لـ احسن يويل ولكن بـ عصى [  ] ..

وكان المقدم البداية اخوي [ الحيري ] ..
وعقب مسك الموضوع واحد من الشباب ..

المهم دخلو اليويله وما شاء الله زحمه من الخاطر ..

وشي لجنـة تختار احسن 10 يويله [  ] ..

اللجنـة ! هم اصحاب البيزات !! [  ] ..
قلت يمكن بيكون بـ ضمير ، ولكن  ..

المهم هم يختارون ونحن نظهر الناس الباقيه ..

اختارو 10 المرحله الثانيـة ..
ودخلو اللجنـة ع كيفهم كم واحد بدون ما يدخلون اول مرحله !! [  ] ..

وفي المرحله الاخيرة تم اختيار افضل 5 يويله ..

وعقب فاز ف المسابقة واحد من الشباب ..

صح انه يويل ولكن كلهم يستاهلون بنفس الوقت ..

ولكن شفت واحد من بينهم ..

صدق انه يويل [  ] حسيت انه ايول من الخاطر ..

اما الباقي … شوفوني [  ] ..

المهم فاز واحد من الشباب وباجر بتكون شي شاره بعد ..

من نفس الشخص [  ] والريال يبغي يسوي دعاية حق عمره [  ] خمسين الف مره قالوا اسمه خخخخ [  ] ..
واحتمال باجر تكون اشاره بـ 20000 ..

بس ان شاء الله ما يكون شي ظلم ..
انا قلت لهم يحطون لجنـة خاصة لـ التقييم ..
هب اصحاب البيزات هم لي يختارون [  ] ..

ويصير خير لين باجر [  ]

[ ع فكرة باجر اخر يوم للقرية ] [  ]

وعقب انا ظاهر شفت الخان [ ممتاز ] <= ع كيفي سميته ممتاز ( واحد من الموظفين ف البلدية )
وكل ما اقول له ممتاز يزعل اونه [  ] ..

قال لي تعال بعطيك هدية [ بعد ما كنت اوزعها ع الزوار ] الحين هو يعطيني الهدية [  ] [  ] ..

الهدية :

عاد شو داخلها ! [  ]

سي دي !

مدخنه !

وايد عليهم [  ] ..

وعقب حسيت بـ يوع من الخاطر من وصلت البيت ..

وقلت ماشي غير برجر كنق [  ] ..

واهم شي :

والحين يالس اكتب لكم ف المدونـة ..

ولي عودة عقب بـ احداث جديدة [  ] ..

ونقطة انتهى [  ] 

[ 24 – 2 – 2010 ] – الاربعاء 

صدق غبـار [  ] ..

من فترة هب كاتب شي ف المدونـة ..

واليوم قررت اكتب شي [  ] ..

لاني ظهرت برع [  ] ..

احب احط شي ف المدونـة مع الصور .. 

عسب الكل يعيش الاجواء ويانا [  ] ..

ما بطول ف الرمسه ..

اليوم بعد العودة من الجامعة تقريبا ع الساعة 3 ونص ..

اتصل لي ربيعي [ بدر الشامسي ] عسب نروح السييح .. [ طيـور وأالخ ] ..

<= اخوكم ما يخصه في امور الطيـور ..

يعني محد يسالني شو هذا وهذا شو خخخ [  ] ..

التحرك كان بـ هذا الموتر [ :yaw: ]

لازم مواتر ريس لـ هذي السوالف [  ]

وعقب بعد المسافة الطويلة [ اخر البدع ] ..

وصلنا ..

كل واحد وله شغل ..

يعني لي ينزل الطيـور ولي ينزل الحمام ,,الخ ..

والا يغسل [  ]

وعقب الترتيب ، قمنا عسب نصلي العصر ..

هني الشباب يصلون [  ]

وعقب ما صليت ..

قلت استغل هذي الفرصة لـ تصوير الطيـور ..

ما شاء الله 10 طيـور [  ] ..

عقب بنزل لكم موضوع خاص لـ الطيـور في قسم الابداع [ تصوير ] [  ] ..

واحد من الشباب الله يهديه نسى الجهاز !!

جهاز لـ الطيـر عسب اذا راح مكان بعيد نعرف وين مكانه تقريبا سعره [ 6000 ] درهم اماراتي [  ] ..

لين ما يوصل الجهاز الربع شغالين ف بعض الطيـور ..

والعين ما مقصر بـ الاكشنات [  ]

ولكن للاسف ما عندي عدسة قريبة !!

لاني انا من مسافة شوي بعيده ولا بصور لكم لقطات ولا ف الخياال [  ] ..

اذا حد عنده كانون وعنده عدسات يسلفني كم يوم [  ] ..

وعقب يـ دور الحمامه [  ] ..

روح يـ الوحش ورااه ^__* ..

وعقب جان يتوهق البطل ! [  ] ..

الحمامه راحت هني [  ]

وانا يالس انتظر ولازم هذا ف السالفه [  ]

وجان يوصلون ..

وهني بعض اللقطاات لـ الطيـوور [  ]

وعقب قلت خلنا الحين نبدع ف التصوير ..

 وجان نسوي دعاية لـ الاستيشن ..

وبعض اللقطات الخاصة الا بعرضها عقب [   ]

وعقب شلنا الاغراض ..

والطيـوور ..

وهني نحن ف الدرب [  ]

ووقفوو الشباب عند مطعم [ عبدووو ] [  ] ..

هذا المطعم معروف عند الشباب [  ] ..

المهم طلبو لهم اكل وانا ما طلبت شي [  ] ..

صح اني يوعان ولكن ما اريد اكل من هذي المطاعم ..

لازم كنتاكي وفووق [  ] ..

والحين يالس انزل لكم ف المدونـة وانا يوعان من الخاطر [  ] ..

شكلي بروح ادور لي اكل ولي عودة باذن الله بـ احداث جديدة ..

وشكرا للجميع ع المتابعه [  ]

[ 26 – 2 – 2010 ] – دبي – القرية العالميـة

التحرك كان على الساعة 5 العصر ..

وهني متجهين لـ واحد من الربع عسب يروح ويانا ..

بوحميد [  ] ..

وقف موتره عسب يركب ويانا [  ]

وصلنا دبي ع الساعة 6 وشوي يعني قبل صلاة المغرب [  ] ولكن قبل ما نروح القرية ..

روحنا [ بيت حد من اهلنا ] ف الراشدية ..

وصلنا الراشدية وسلمنا عليهم وعقب اذان المغرب ..

صلينا ف الراشدية ( جمع ) ف مسيد [ بن فولاذ ] ..

وعقب طلبنا من الفطاير

وبـ التحديد من هذا :

وعقب تذكرت اني ما كنت متحلق واخوي سالم قال لي اونه هذا الحلاق اوكي !! وعاد انا ما احب اتحلق اي حلاق غير لي دائما اتحلق عنده [  ]

بس انجبرت ولكن حددت ع اللحيه بس [  ] ..

والله يسامحه الهندي ما يعرف يحلق شرات الناس ..

وربي غير الزلمه يوم يحلقك بـ رقه [  ] ..

المهم بعد الحلاق والفطاير [ نقانق بـ الجبن ] وقفنا صوب البقالة ، لازم ماي العين ف السالفه [  ]

وعقب نحن متجهين لـ القرية العالمية من شارع الامارات ..

جان ننصدم من الزحمه من الخااطر [  ]

واختصرنا الدرب لين ما وصلنا القرية [  ] ..

وعقب ما نزلت الكيمرا وياي ف القرية ..

لاني كنت حاس انه بتكون زحمه من الخاطر !!

وبصراحه داخل القرية تحدث بلا حرج [  ] ..

فـ اسمحولي ع لا تعليق …… [  ] ..

خذينا من القرية عطور كـ العادة + عسل من اليمن [  ] + لبنه [ من قصر اللبناني ] جميل جدا وبخاصة ع الصبح ( عقب بصور لكم ) ..

<= يا حبـه لـ التعذيب [  ] ..

المهم ظهرنا من القرية بـ الضبط ع الساعة :

وحتى ونحن ظاهرين شي زحمه [  ]

وجان نوقف ف الطريج ع هذا المطعم لي دائما يوم نروح دبي لازم نوقف عنده [  ]

طلبنا كـ التالي [  ]

وواحد من الربع طلب عيش [  ]

وعقب وصلنا العين ولكن ف الطريج كان الجـو صدق يخووف [ كله غبـار ومهب ] [  ] ..

المهم هذي كل الاحداث لي صارت وياي امس ف دانـة الدنيا [  ] ..

وباذن الله بتكون لي عودة جديدة ف الكتابة ..

وشكرا للجميع ع المتابعه ..

[ 16 – 4 – 2010 ] – دبي – شاطئ جميـرا 

اول شي صدق انها غبـار هذي المدونـة 

محد يلومني تراني انسان مزاجي 

اليوم طبعا الربع كلهم متفقين نروح دبي 

بعد صلاة اليمعه ( بعد الغدى طبعا ) 

ما شاء الله تقريبا فوق 15 شخص 

[ دولار .. اهبل مضيع امه .. فكتـوري .. راعي الرنج .. الهاجر والقائمة تطول ] 

التحرك كان الساعة : 

اول شي ف الدررب [ شيشه أدنـوك ] 

أدنـوك الفوعه ف طريق العين – دبي

كل واحد طلب له شي :

مشروبي المفضل 

وظهرنا من الشييششه ع دبي دانـة الدنيا 

وهني نحن ف الدرررررب 

وشوي الاجواء تتغير ف الدررب !!! 

وصلنا دبي والاجواء بصراحه [ غبـار من الخاطر ] 

صدق انه نحن منحوسييين 

وعقب ع طوول وينج يـ حديقة جميرا 

وهني نحن ف الدرب [ دولار ] حشرني صور هذا اونه الكوفي المفضل عنده 

وصلنا الحديقة ولكن تمينا شوي ف الزحمه لين ما وصلنا البوابة رقم 1

وشفنا ع الكونتر واحد مواطن قال لنا ماشي الشاطئ !!! 

اونه الاجواء ما تساعد بس لـ الشوي ,,الخ 

وقال لنا اونه ويوهكم ما تساعد ع الشوي يعني باين من ويوهنا انه يايين عسب الشاطئ 

قلنا له خلاص مشكور بنظهر الحين وبنروح برع [ الشاطئ المفتوح ] 

وانا رااقد ع التصوير 

وظهرنا من الحديقة وشفنا الشاطئ جدامنا

وجان نشوف أجنبي متهـوور 

وعلى طووول وينك يـ بحـــر 

<= مال العين هب مصدقين انه بحر جدامنا 

وهني بعض الاكشنات 

وهني الشباب اونهم يدفنون واحد من الربع 

علاج طبيعي 

اخوي دولار ما مصدق شكله في البحر ومسوي لي حبتــين 

وجان يكتب نك نيمه واصوره له 

اونه دعاية له 

برج العررب 

وقت الغروب والعودة لـ دار الزين 

واحد من عيال الشعبية حشرنا اونه صورني وانا لابس النظارة 

ظهرنا من دبي ع الساعة : 

وكـ العادة . مطعم الرمان 

انا ودولار طلبنا ديااااااااااي

اما باقي الشباب عيش ولحم وعيش وديااي [ مجبوس ]

وعقب ردينا البيت  وانتهت الرحلـة 

وان شاء الله خلال الايام القادمـة بنروح واد واااااادي [ في حياتي ما رحت هذا المكان ]

واحتمال نروح له نحن والشلة قرريب  وانتظرو الاحداث القادمـة ف مدونتي 

وشكرا للجميع [ ومن طلب لي العودة بـ الكتابة من جديد في مدونتي ] 

ووفقكم الله ..

[ 23 – 4 – 2010 ] – دبي – شاطئ الممزر هذي المره 

عيبتنا السالفه كل اسبوع دبي 

هذي المره هب شله، تقريبا 7 ..

[ الهاجر .. دولار .. اهبل .. راعي الرنج .. غائم .. عبود .. جمعة ]

التحرك كان ع الساعة [ 3.25 ] العصر :

صح انه هذي المره وايد تاخرنا ولكن كله من الشباب 

اول شي لازم الشيششه 

مشروب دولار المفضل

عصيري [ الحار ] 

عصيري وفوني الجديد [ الضيف الجديد بلاك بيري ] 

دعاية  [ محد يحاول يبغي بي بي مالي ] <= واثق الاخ 

وصلنا دبي [ شارع الامارات ] ع الساعة 4,36

ونحن ف الطرريق لـ الممزر 

وهني نحن ف الطررررررريق

ومن الملل يالس اصور اي شي 

وجان نوصل شاطئ الممزر 

والاجواء جميلة جدا 

ع طول وقفنا مواترنا 

وهني اهبل يسوي لكم حبتــين  [ مستانس ع البحر ] 

وف الشارع يالسين نتلابس عسب نتسبح 

ولكن الاجواء ف الشاطئ هب شي بصراحه زحمه

والهنود ف كل مكان  وربي جميرا غير 

وقلنا بنروح الحديقة يمكن ماشي زحمه وبخاصة اذا الدخول بـ فلوس 

ونحن رايحين ع الحديقة [ زحمه ع البوابة ] 

والمصري ذلنا !! اونه خذ لفه وعقب ندخلك !!

وموتر اهبل ورانا ويحليله ما دخله اول شي 

وعقب دخلنا ما يسوى علينا بـ فلوسنا وبيذلونا 

دفعنا ع الموتر 30 درهم 

وبصراحه داخل زحمه [ مواتر بس ] اما الناس كلهم ف الحديقة هب ع الشاطئ 

تسبحنا واستانسنا ف الحديقة وع المغرب ظهرنا 

بس اشوف انه جميرا غير 

وطبعا كـ العادة الجوع ماثر علينا كلنا 

وينك يـ اقرب مطعم  [ الملاح ] 

والمشكلة الملاح لي ف الممزر هب شي بصراحه اكله !

احس انه ما يعرف يطبخ [ وربي غير الملاح الا ف العين ]  

المهم كل واحد يالس يطلب ، وانا يالس افكر شو اكل ! اخاف بطني يعورني منهم 

عقب طلبت لي شورما دياي

وهني صور الشباب يالسين ياكلون 

بـ العافية علينا  ووعقب وينك يـ درب العين 

وفي نحن ف الطريج وانا يالس اعاابل البي بي 

وفي الطريج وقفنا ف شيشه عسب نحلي [ حلاوه ,,الخ ] 

وعقب وصلنا دار الزين [ وربي غير العين ] 

ع الساعة 9,55 وصلنا لـ دار الزين 

ونقطة انتهى 

وشكرا للجميع ع المتابعه

[ 29 – 4 – 2010 ] – دبي – جراند سينما 

هذي المره هب شله 
انا واخوي دولار 

التحرك كان ع الساعة : 4:33 العصر ..

وصلنا الشيشه ولكن ما حدرنا ع طول وقلنا بنصلي العصر

اول ما وقفنا شفنا الشرطـة وهو ظااهر يالس يطالعنا !! 

ودولار قال لي يوم بنظهر بـ يوقفنا عسب [ الشماسيه ] 

المهم صلينا ف المسيد الا ف الشيششه وعلى روحنا ناخذ لنا شي 

انا خذيت لي هذا :

اهم شي ف السالفه 

و دولار خذ له هذا كـ العادة 

ونحن ظااهرين من الشيششه ظهرنا لنا الشرطي جنه نحن مسويه جريمة 

اونه ليش مركب الشماسيه !! 

قلنا له اصلن نحن من شفناك ظااهر من المسيد وعينك علينا

تريد تعطينا مخالفة مرحبابك وما تريد تعطينا يزاك الله خير ر= ..

اهم شي اعصابك 

شكله استحي الريال وقال لنا اخر مره  <== 

وقلنا له يصير خير يالغالي وشكرا ^_^ ..

وظهرنا ع دررب دانـة الدنيا  ..

ونحن ف الدرب وانا يالس اكل كـ العادة 

واهم شي البلاك بيري شغاال 

وعقب وصلنا دانـة الدنيا 

وعلى طول دخلنا ف الزحمه 

وعقب يالسين ندور ع كراند سينما !  ما عرفنا وين مكانه بـ الضبط

الا نعرفه انه صوب وافي 

والمكان لي هناك كله تعديل !!! اشارات

ونحن ندور شفت هذا [ دكتور سليمان الحبيب ] من كثر الدعاية لي نشوفها ف TV حفظته 

ونحن ندور وجان نوصل واخيراااا 

اول ما دخلنا صوب الباركنات شفنا موتر عجيب 

وعقب دخلنا السينما وبصراحه كله هنود [ كل مكان نروح لازم الهنود موجودين ] 

ونحن اصلن ظاهرين من العين عسب الفلم الاماراتي لي معروض ف دبي وبوظبي

والامارات الشمالية اما العين لا ما اعرف ليش جي ! 

شو هذا العنصريه ليش نحن هب مطورين ولا شو بـ الضبط 

المهم ونحن نبغي نحجز لـ الفلم الاماراتي جان نشوف دعاية الفلم لي ننتظهر

في العين لـ الشهر الا يااي !! وف دبي معروووض !! كيف جي !! 

بدون ما نتشاور ع طول دخلنا هذا الفلم وسوينا طاف لـ الفلم الاماراتي 

دخلنا الفلم ع طول لانه كان العرض الساعة 6:20 ونحن واصلين السينما 6 يعني باقي ربع ساعة تقريبا

طلبنا لنا شي ناكله كـ العادة وعقب دخلنا الفلم وبصراحه تفجيــر وحبتــين الفلم واعتقد انه فلم الشهر 

وعقب ظهرنا من السينما ع الساعة 9 تقريبا والفلم الاماراتي العرض ماله الساعة 9 !!

دولار يشاورني هاه تبانا ندخل الفلم !! يعني بنظهر من السينما عادي اخر الليل ! 

قلت له خلها باجر ودولار ما يصدق وجان يقول باجر باجر  وان شاء الله بنروح بعد الساعات القادمـة لـ دانـة الدنيا وبتحديد جراند سينما ومرحبابكم ع حساب دولار  ( احتمال بعد ما نروح عسب الظروف )

يقولون الفلم الاماراتي ما يتفووت بصراحه واول مره بدخل فلم اماراتي  وبنشوف اذا اوكي ولا ..

ظهرنا من السينما وجان نتذكر انه ما صلينا وجان نصلي ف السينما :

وعقب قلنا بنروح وافي دام قريب منا وبناكل من ماك 

بصراحه وافي غريب من داخل اول مره ادخل وافي بصراحه ..

وكل الماركات اعتقد هناك موجوده واسعارهم محد يتخبر 

بصراحه الواحد يدخل الوافي صعب يظهر لوول من كثر المحلات لي فيه 

حتى ما عرفنا وين وقفنا الموتر  ونحن روحنا اونه ناكل في وافي

ولكن ما لقينا [ ماك ] !! بس كم مطعم عندهم لووول  ..

ظهرنا من دبي ع الساعة 10:8 :

وعقب روحنا المول الا ف درب العين – دبي ما اعرف شو اسمه 

دخلنا نتمشي داخل :

وعقب دخلنا هذا المحل [ دولار يقول لي شي سيااكل بـ اسعار خياليه !! ]

من داخل :

شوفو هذيله السياكل اقل واحد سعره 8000 درهم !!! 

هذا السيكل سعره 80 الف درهم !! موتر هب سيكل 

وعقب روحنا صوب المطاعم ..

ماك

لذيذ ولكن حار من الخاطر شي .. ف العين هب لـ هذي الدرجـة حار [ سبايسي ] 

وعقب روحنا نتغسل ..

وجان اشوف شي  [ حامات ربال ] 

وعقب خذينا كم لفه ف المول :

وعقب ظهرنا من المول ووينك يـ درب العين 

وجان نوصل العين ع الساعة : 11:55 


وانتهت الرحلة 

وشكرا للجميع ع المتابعه ..

6-7-2010

صدق غبار كح كح 

كـ العادة تراني ما اكتب شي ف المدونة الا حسب المزاج او يوم اظهر مكان 

اليوم متصل لي ربيعي [ GaMe_OvEr ] عضو مسجل عندنا بس زينه

شكلي بسحب عنه العضوية ما نريد زينه ف سمانا 

المهم اتصل لي بعد صلاة المغرب وقال لي شو رايك نروح نلعب لعبة الحرب !!

ما اعرف شو اسمها بـ الضبط المهم ف نادي العين للهواة 

قلت له فوقه دام اني من اسبوع هب رايح الصالة [ صالة حديد ] وملان بنفس الوقت ..

بعد الصلاة شفته الحبيب واصل وعلى طول العين تلبس رياضة وظهر ..

واهم شي خذيت  عسب نغطي الاحداث ونحطها ف المدونة 

المهم اول ما وصلنا شفنا ربع GaMe_OvEr ينتظرونا 

انا ما اعرف حد غيري GaMe_OvEr ربيعي والباقي ربعه من الدوام 

ع طول حدرنا المكتب

اول مره ادخل هذا المكان والعب هذي اللعبة بصراحه وانا داخل منصدم 

جابلنا الانجليزي مبتسم 

ويشرح لنا بعض النقاط واهم شي البيزات 

وعاد العين قام ينبش ويشوف شو هذا المكان بـ الضبط ..

شفت المسدس ع بالي صدق <= هب ويه العااب 

والاسلحة كاشخه ف الواجهـة 

وعقب قلت بشوف كيف اللعبة هذي وشروطها ,,الخ

لا يسمع بارجاع التذاكر بعد اصدارها حسسني اني ف السينما 

هيه هني اسم اللعبة [ العين بينتبول ] 

هذي اللعبة ما حدرنها لانه هذي الرماية ع الاهداف ونحن لعبة مع بعض [ الاهداف نحن ]  

كان خاطري بـ هذا المسدس شكله غاااوي 

هذي اللعبة لي بنلعبها مع بعض [ دعاية للعبة ] 

وعقب متصل لي فلان يتخبر شو يعني لعبة الحرب 
لاني طرشت ع البي بي خخخخخخ  عاد ما يفهم لي عندي
ع باله صدق حرب خخخخ يبغي يحارب لي ف الفون متحمس 
وحبيبنا GaMe_OvEr كشخني بـ صورة 
[ شوفوني عضلات خخخ اي عضلات خلاص ماشي عضلات ] 

بعد ما وقعنا نسيت اصور ورقة الاسماء + التوقيع خخخخ

بده يجهزون لنا السيفتي [ الحماية اونه ]  موتر هب لبس رياضة 

طبعا نحن مع القروب لي لونه اصفـر 

و صديقي GaMe_OvEr بـ هذا اللون [ البرتقالي ]

وحبيبنا GaMe_OvEr ما مصدق يبغي الاصفر اونه نفس لون الفانيله

ع باله جي بيلبس ف اللعبة 

وهني جان يكشخ GaMe_OvEr وربي حسسني انه جكي شاان 

وهني الشباب 

GaMe_OvEr شوفوني 

الكل يتجهـز للحررب [ العالمية ] 

وهني المدير  وربي حسيت عمري صدق ف الحرب
عاد الجو صدق ما يساعد شوي كتمه 

الجيش يتجهز للحرب

اهم شي رد بول عند البعض 

تقريبا الكل جاهز

GaMe_OvEr جاهز ويه نظارته 

والفريق جاهز 

جكي شان الامارات كاشخ 

العين يجهز الامور وشوي خفو البداية ما اعرف ليش

لانه قالو لي الضربه تعور شوي اذا من قريب 

جيش وحرب واخر الدنيا زنووبه  يعطيك العافية

هني مكان الحرب 

لجنة التحكيم 

الاسلحة 

شي واحد لونه مميز اخر شي لونه ازرق وجان اشله 

وهني واحد من الشباب يترجم لنا [ يوم يرمس الانجليزي ] ويشرح لنا اللعبة 

وجان ندخل الحرب 

بصراحه لعبة ولا اروع حسيت عمري صدق ف الحرب
واول مره احس عمري اني صوويب ف هذي اللعبة
ما كنت متوقع اني اشوف عدل خخخخخخ 
يمكن قتلت فوق 10 اشخاص وهني ف البريك

وهني واحد من الشباب يته ضربه من الخاطر شو رايكم

خخخخخخخ 

كل جولة اقتل 2 او 1 ولكن ف جولة اسميني اسويت صدق بطل !!
دخلت ف نص المعركة ودخلت مكان الجيش الثاني ورشيتهم رش خخخخ
اي من وراهم وهم ما يعرفون شو السالفه وف البريك قالوا لي انك ذكي
وياويلك منا و,الخ خخخخخخ بس مره وحده انضربت وف رييلي بعد 
والمره الثانية انسحب لانه خلص الرصااص يوم تنسحب ارفع ايدك مع السلاح 

وهني نهاية الحرب وما اعرف منو فاز خخخخخخ 

اهم شي ف السالفه ماي العين 

وخلصنا اللعب تقريبا ع الساعه 10 ونص

وانتهت السالفه 

شو رايكم انتو خخخخخخخخخخخخخخخخ 

وشكرا ع المتابعه ويمكن شي تنقيعات ف المدونة لاني اكتب بسرعه ..

<= يوعان بروح صوب شارع خليفة او سوق الزعفرانه ناخذ لنا شي ناكله 

ولي عودة بـ احداث جديدة باذن الله ..

السلام عليكم ورحمة الله وبركاته

امس [ الجمعة 9 – 7 – 2010 ] 

طبعا العين راقد في سبااع نومه 

وعلى الساعه 9 ونص الصبح ياني اتصال من [ ذيب سود الليالي ] 

اونه يا الله قوم انا برع انتظرك !!  شو السالفه انزين !! حسسني انه شي صاير 

قال لي بنروح دبي مع الشباب وبنشوي ,,الخ !!  قلت ياخي اليوم الجمعة وما فيني اروح !!

بنصلي وعقب بنروح شو رايك ! اونه ف الدرب بنصلي  قمت وتسبحت شغل سرعه سرعه

ويحليلي ما كليت شي  انا وفهود وكم واحد ف الموتر وباقي الشباب ف المواتر الثانية 

تقريبا 3 مواتر روحنا دبي ، واحد من الشباب مجهز كل شي ف موتره [ سمج + دياي + لحم + بارد ] 

المهم تحركنا من دار الزين ع الساعه 11:58 <= من الساعه 9 ف الشعبية 

وف الطريج وقفنا عسب نصلي [ الظهر والعصر ] نجمع  والله يتقبل منا ان شاء الله 

وطبعا ف الدرب انا ما كليت لي شي ولكن خذيت من البيت وانا ظاهر عصيري المفضل فيمتو 

وذيب حشرني صور فوني دعاية  اهداء للوصلاويه 

وطبعا العين من الملل يالس يعابل البلاك بيري [ عزيزي وعزيزتي  ] 

ونحن ف الطريج جان اشوف انجليزيه تسوق [ الدااان داان ] 

ع الساعه تقريبا 1 وصلنا لـ دانة الدنيا وسلامي ع برج خليفة كاشخ 

ووينج يـ جميرا 

وهني ربيعنا حركات [ راعي الاحمر ] 

ونحن ف الطريج لـ حديقة جميرا 

وجان ندخل ف الزحمه 

اهل العين دائما منورين دانة الدنيا كـ العادة 

وهني ف الطريج لـ حديقة جميرا 

وصلنا بـ الضبط عند بوابة الحديقة ع الساعه 1:46 

مواعيد الحديقة 

حديقة شاطئ الجميرا 

اونه مكتوب ف التذكرة [ رسم دخول سيارة ] هب رسوم  

وهني ندور مكان عسب نحط الاغراض + مكان للطبخ 

ولقينا هذا المكان فاضي للطبخ 

حطينا الاغراض وذيب سود الليالي ع طول شغل الكيمرا ويخترع ف التصوير كـ العادة 

وعقب قلت باخذ لفه ع البحر اكيد محد بيكون هناك لانه الظهر وجان انصدم زحمه من الخاطر

والجو صدق كان حار تقريبا 

وعقب قلت لـ الشباب شكله الاكل مطول !! عادي يخلص ع العصر او المغرب 

وانا هب ماكل شي قلت لهم بروح ادور لي بقالة باكل لي شي وبرجع 

طلبت لي [ زعتر ]

[ ومشروب غازي  معنى ما اشرب هذي الاشياء ] غير ماي العين 

وعقب رجعت لـ الشباب ف الحديقة وعلى طول قلت بصور الاكل قبل الطبخ 

اهم شي ماي العين 

وهني مكان لـ البهارات 

الشباب ينتظرون الاكل 

كل واحد يفكر كيف بيكون الاكل حلو ولا ……. 

وبصراحه الجو حار وانا راقد ع الماي 

جمعة ( واحد من الشباب ) ما شاء الله عليه مضبط كل الامور : 

السمج خلص بس انا ما اكل سمج وايد خاطري ف الدياي 

وعقب يه وقت الدياي 

الحديقة كلها دخاان 

وعقب المشاوي 

وقت الاكل كلهم ع السمج وانا اصور لاني ما اكل سمج 

وهني انا وفيصل واحد من الشباب  ناكل 

اهم شي ماي العين 

وبعد الاكل قلت ناخذ كم اكشنات 

والشباب ع طول وينك يـ البحر بعد الاكل ع طول ماشي وقت 

وانا بصراحه شفت شباب يلعبون كوره وتذكرت ايام قبل يوم كنت العب

<= حسستني انك ماردونا ياخي  وجان العب وياهم 3 مباريات

الفايز يستمر وجي يعني والحمد الله سجلت هدفين 

وعقب روحت اتسبح مع الشباب 

وبعدين قلت دام الكيمرا عندي خلنا نخبص شوي اونه حركات وجي 

وبصراحه زحمه الحديقة من الخاطر اول مره احدر الحديقة 

وهني الشباب 

وعقب ما ظهرنا من البحر لازم نخطف ع هذا 

وهني العودة لـ دار الزين 

ظهرنا من الحديقة قبل المغرب ووصلنا لـ دار الزين ع الساعه 8:06 تقريبا 

وانتهت الرحلة وشكرا للجميع ع المتابعه ..

باجر الصبح باذن الله بكون متواجد ف راك نريد استقبال من اهل راك لـ مدير موقع سمانا 

<= حسستني ياخي رئيس الدولة  ان شاء الله باخذ الكيمرا وياي وبنصور لكم بعض اللقطات 

عسب نعيشكم الجو ف المدونة والسموحه من الجميع اذا شي اي تنقيع او شي تراني ما اهتم لـ هذي الامور 

السموحه من الجميع اخوكم مرتبش هذي الايام هب شرات قبل

حتى ما ارد ع باقي المواضيع ف الاقسام 

يعني اعذروني مشغول في اشياء وان شاء الله بتكون خير لـ سمانا 

هناك مفاجاة بتكون للموقع اذا صار الا ف بالي 

وطبعا بنكون غير عن باقي المواقع وذكركم  بس يستوي الا ف بالي وباذن الله خير 

المهم اليوم بكتب لكم يوم روحت راااك تاريخ 11- 7 – 2010 وكنت هب متفيج انزل

ولكن اليوم قلت بنزل لـ عيونكم  [ بكتب لكم بـ اختصار لاني ما اذكر وايد ] 

دقينا الموتر سلف :

التحرك كان الصبح ع الساعه : 9

وقبل التحرك نجييك ع كل شي

شوفوني عندي اي فون 

وطبعا عصري المفضل فيمتو واهم شي الا فيها المصاص لذيذ 

ويحليله هذا الاصفر ما اعرف شو اسمه شكله يبغي  بس ما عطيته

وهني ف الطريج لـ راس الخيمـة

هني انا نازل اخذ لي ريوق و اخوي دولار ما مقصر ف التصوير

الريووق [ دياي جبن ] 

واهم شي

يمي يمي 

وفي الطريج وما شاء الله شارع دبي صدق كله ردارات 

وعقب دخلنا طريج دبي العابر

اونه 120 ما يصرف 120 ف هذا الشارع ع الاقل 200 

وصلنا تقريبا حدود راس الخيمـة ع الساعه 11 

وجان ندخل راس الخيمـة

حتى هذا مستانس [ داش عرض ف الصورة ] 

الجسر [ اعتقد راس مالهم هذا ] <= بده بـ الحش الحبيب 

وعقب روحنا المول مالهم

وبصراحه دخلت عسب اشوف لي بطاقة اتصالات [ رقم غاوي ]

لانه ف العين عندنا وبوظبي كله حسـد وبـ الواسطه اما ف راس الخيمة

الامور طيبه عقب بقولكم سالفة البطاقة تحت 

تمينا ف باركنات المول ننتظر النسيب 

وصل النسيب بـ اللكززس 

ورااه روحنا مكان  وعقب عزمنا النسيب ف بيتهم ع الغدى وما يلسنا وايد

صلينا الظهر والعصر وظهرنا ^__^

ونحن نبغي نرجع لـ دار الزين وقفنا ف راك ع شيشة ادنوك

وبعد الشيشه منتجع كوفه وقال لي اخوي سالم شو رايك ناخذ لفه وقلت له تم

عاد هني انا يالس اسوق واول مره احدر هذا المكان واخوي قبل حارد ويعرف كل شي

دخلت البوابة وشفت حارس ع يساري ياشر لي اني اوقف يمين وانا سويت له طاف ودخلت يسار 
<– اهل العين ما يخصهم ف هذي السوالف

خذيت يسار وهذا المكان ممنوع دخول السيارات غير السيارات الصغيرة [ سيارة المنتج ] لانه المكان ضيق

صعب يدخل موتر عادي ف المرر وانا اوني ما اعرف 

دخلت واشوف وراي الهندي ياشر وانا طاف واخوي ما مقصر ف التصوير 

وعقب روحت اوقف الموتر صوب الاستقبال والموتر هب مسكر !

دخلنا نسأل عن الاسعار وجي ورجعت ما شفت الموتر  لقيت الموتر واقف ف باركن خاص

ونزل المصري من الموتر !! وقال لي سالم انهم هو يوقفون لك الموتر

وعقب خذينا كم صورة صوب الاستقبال للمنتجع

وهني صوب الاستقبال

وعقب المصري قال لي ركبو عندي ف الباص [ باص صغير ] عسب ياخذ لفه ع المنتج

ونشوفه كيف من داخل ,,الخ دعاية يعني وهذي بعض الصور للمنتج الكوفه روتانا

هني نحن ف الباص راكبين وره تقول اجانب 

الكورنيش [ والاجانب ما عندهم وقت حر ولا برد لازم منسدحين ع الكورنيش ] 

روعه بصراحه المنتجع وينفع لـ المتزوجين 

وهني عقب تبادل [ الباصات ] ركبنا باص ثاني 

عقب قال لنا المصري انه بيدخلنا فيلا عسب نشوف كيف من داخل والاسعار وجي

وهني نحن ف الدررب لـ الفيلااا

رقم الفيلاا

من داخل

مسبح

الصالة

غرفة النوم

شوفوني كـ العادة 

الحمام الله يعزكم

وهني الغرفة لي تحت تراها فيلا لـ عائلة كبيرة شوي 

اول ما تدخل الغرفة :

غرفة النوم

ناايس المكان وربي

من برع الغرفة

وهذي الغرفة فيها هذا الشي ما اذكر شو قال لي [ درجـة الحرارة شي جي ! ] 

وهني المصري يسلم عليكم وعطيته رابط الموقع عسب يدخل ويشوف صورته

عاد اذا عرف للموقع 

وعقب ركبنا موترنا 

بس كاشخ الموتر بصراحه هني

وهذا يحليله كان يبغي ياخذ ويانا لفه عسب يشوف الا ع الكورنيش 

ونحن ظاهرين

الكوف والبعض يقول كوفه نفس المسمى تقريبا 

وهني وينك يـ درب العين 

والحين بخبركم ع سالفه البطاقة دخلنا المول وعلى طول الاتصالات

شفت الهندي وقلت له ابغي ارقام ظهر لي ارقام منقعه !! قلت له ياخي نريد رقم غاوي ومرتب

قال لي خبر الزول عاد الزول شكله عصبي قلت له يـ الحبيب انا ياي من العين عسب بطاقة اتصالات

عاد لا تردوني ابغي رقم غاوي وجان يظهر من الطاولة الا تحت ارقام بـ الهبل وتم بروحه يختار لي 5 ارقام

من بين 500 رقم لقيت رقم غاوي بصراحه وعيبني وهذا الرقم [ بس محد يتصل اوكي بليز ] 

0566 والباقي عليكم 

انا ماخذ هذي البطاقة لـ البلاك بيري لاني قبل مركب الخدمة ف الرقم الاساسي ودائما اتوهق

ف هذا البي بي مرات يشفر ويسمح لي كل الاسماء وعسب جي اكرهه الحين بعد ما كنت احبه 

الحين ما استخدمه وايد شرات قبل ومسوي له اكبر طاف الا مرات 

وهني يالس اعابل البطاقة عسب احط الخدمة 

خدمة 90  توفير لاني ما استخدمه وايد ^^

وطبعا اخوي سالم يسوق وانا يالس اصور الدرب لين ما نرجع دار الزين 

كـ العادة طريق العابــر بس كله شاحنات 

شوفوني <== ذليتنتا ياخي ف بي بي مالك 

متفيج اعرف 

دعاية موتر [ ماشي شغل ف الخط غير التصوير ] خخخخخخ 

شوفوني 

بعد شوفوني عندي ساعه [ عيناوي ]

وينك يـ درب العين

باقي 95 الجوع بصراحه ماثر علينا ^__^

وقفنا صوب محطة امارات

وهذا الكافتريا بـ التحديد طلبت لي انا عصير برتقال انناس ولكن كنت حاس انه ما بيضبطه

واخوي سالم ما اذكر شو خذ لفه

وهني الهندي يتغلا ما يبغي يتصور يستحي خخخخ

 بس الله يهديه قلت له هب بارد وايد وجان يعطيني العصير حار من الخاطر

قلت لـ سالم وقف عند مطعم الرمان ^^ عسب اخذ لي شي اكله ^^

<= شودخل هذي الصورة عرض جي 

اطلب كـ العادة نقانق غير عنده 

وخليته يحط ف العصير ثلج 

وعقب تحركنا مستعيلين نبغي نوصل لـ دار الزين

حتى هذا صديقي مشتاق لـ دار الزين

وجان نوصل فديت العين انا 

مدينة العين ترحب بـ سمانا <= شودخل 

ونقطة انتهى والسموحه ع التنقيع والكلام لي هب مرتب شغل سرعه سرعه لاني ابغي اروح ارقد 

وشكرا للجميع ع المتابعه ^_^ ..

وانتظرونا ف شهر رمضان بـ العديد من المفاجات باذن الله ^__^ ..